Yaşı 50-ni keçən qadınların NƏZƏRİNƏ: Gəncliyi qorumaq üçün bunu edin

Səhər yeməyində qidalandırıcı zülal olmalıdır, çünki yaşlı insanların ona ehtiyacı artır.

Lent.az xarici KİV-ə istinadən xəbər verir ki, bu barədədietoloq Emmy Hudson bildirib.

Qidalanma mütəxəssisi 50 yaşdan yuxarı qadınlara sağlamlığı qorumaq və gəncliyi uzatmaq üçün səhəri müəyyən məhsulla başlamağı tövsiyə edir. Mütəxəssisin sözlərinə görə, 50 yaşdan yuxarı qadınların səhər yeməyinə zülallı qidalar daxil etməsi vacibdir.

Yaşlandıqca bədən əzələlərə, sümüklərə və hüceyrələrə təsir edən əhəmiyyətli dəyişikliklərə məruz qalır. Yaşlanma prosesini tamamilə dayandırmaq mümkün olmasa da, yaxşı vərdişlər və pəhriz dəyişiklikləri onun təsirini azalda bilər.

Emmi Hudson qeyd edir ki, vitamin və qida maddələri ilə zəngin balanslaşdırılmış pəhriz yaşa bağlı dəyişikliklərin mənfi təsirlərini azaltmağa kömək edir. Buna görə də 50 yaşdan yuxarı qadınların yaşla azalan əzələ kütləsini saxlamaq üçün müntəzəm olaraq həm bitki, həm də heyvan mənşəli zülal qəbul etməsi vacibdir.

Yüksək proteinli hər hansı məhsul 50 yaşdan yuxarı qadınlar üçün ideal seçimdir. Yaşlandıqca vücudunuz hər 10 ildən bir təxminən 2-3% əzələ kütləsi itirir. Bunun qarşısını almaq üçün ən yaxşı yol, xüsusilə səhər yeməyində keyfiyyətli protein istehlak etməkdir. Mütəxəssis günə 25-30 q proteinlə başlamağı məsləhət görür. Bu, bədəninizin əzələ kütləsini saxlamaq üçün lazım olan amin turşusunu istehsal etməsinə, həmçinin daha uzun müddət toxluq hiss etməyə kömək edəcək ki, bu da nahardan əvvəl qəlyanaltı istəklərini azaldacaq.

Emmy Hudson, şəkərsiz qranola və yarım bananlı yunan qatığı, qaynadılmış yumurta və ya omlet, pendir, vetçina və tərəvəz ilə tam taxıllı sendviç kimi səhər yeməyi seçimlərini tövsiyə edir.