Köhnə makaron orqanizm üçün daha faydalıdır - MARAQLI FAKT

Bir çox insan bir gün əvvəl bişmiş makaronu yemir, köhnə makaronu mədə və çəki problemlərinin mənbəyi hesab edirlər.

Lent.az xarici mətbuata istinadən xəbər verir ki, Nyukasl Universitetinin sağlam qidalanma mütəxəssisləri bu mövzuda araşdırma aparıblar.

Nəticələrə görə, müntəzəm olaraq makaron istehlak edən insanlar artıq çəki ilə mübarizədə böyük irəliləyişlər əldə edirlər.

Yalnız porsiya ölçüsünə nəzarət etmək, mayonez və ketçupdan qaçınmaq vacibdir. Araşdırmalar göstərir ki, bir gün əvvəlcədən bişirilmiş makaron daha sağlam olur.

Yenidən isidilmiş makaron təzə olanlardan daha az kalori ehtiva edir. Bu, karbohidratların qalın bağırsağa daxil olduqda pəhriz lifi ilə müqayisə edilən davamlı nişastaya çevrilməsi ilə bağlıdır.