Alimlərdən xəbərdarlıq: İdmandan sonra buz vannası əzələ inkişafını ləngidə bilər

İdmandan sonra əzələ ağrılarını azaltmaq üçün istifadə edilən buz vannaları, masaj və xüsusi bərpa əlavələrinin faydaları düşünüldüyü qədər böyük olmaya bilər.

Lent.az xəbər verir ki, “The Conversation” nəşrində dərc olunan araşdırmanın icmalına görə, soyuq su əzələ ağrılarını qısamüddətli azaltsa da, iltihab reaksiyasını zəiflətməklə əzələlərin məşqə uzunmüddətli uyğunlaşmasına mane ola bilər.

Tədqiqatçılar bildirirlər ki, sıxılma geyimləri və bəzi idman əlavələrinin də əzələlərin funksiyasını bərpa etməkdə təsiri məhdud ola bilər.

Ən etibarlı üsullar isə kifayət qədər yatmaq, düzgün qidalanmaq və məşqlər arasında bədənə istirahət verməkdir.

Buz vannalarının təsiri tamamilə mənfi deyil: onlar bəzi hallarda sürətli bərpa üçün faydalı ola bilər.