Dünyanın ən bahalı yeməkləri: 12 min dollarla 25 min dollar arasında...

Dünya mətbəxinin ən zəngin və xüsusi yeməklərindən bəziləri təkcə dadı ilə deyil, həm də qiymətləri ilə məşhurdur.

Lent.az xarici mediaya istinadən dünyanın ən bahalı yeməklərini təqdim edir.

1.Almaz kürüsü

Almaz kürüsü dünyada ən bahalı kürü kimi tanınır. İranda Xəzər dənizində tapılan nadir nərə balıqlarının yumurtalarından əldə edilir. Bu kürü qızılla örtülmüş qablarda satılır və hər kiloqramı təxminən 25.000 dollara başa gələ bilər.

Almaz kürüsünün bu qədər baha olmasının səbəbi nərə balığının nadir olması və kürünün xüsusi saxlama şəraiti tələb etməsidir.

2. İtalyan ağ truff göbələyi

İtalyan ağ truff xüsusilə Piedmont bölgəsində böyüyən nadir bir göbələk növüdür. Kiloqramı 7-10 min dollar arasında olan bu göbələkləri yer altında truff itləri və ya donuzlar tapır.

Ağ truff zəngin və unikal ətirinə görə qurmanlar arasında çox məşhurdur və yüksək səviyyəli restoranlarda yeməklərdə istifadə olunur.

3. Fleurburger 5000

Las-Vegasdaki bir restoranda təqdim olunan FleurBurger 5000, dünyanın ən bahalı hamburgeri olaraq bilinir.

5.000 dollarlıq qiymət etiketinə diqqət çəkən bu hamburger, wagyu bifteği, fue gras (qaz ciyəri) və nadir bir trüf mantarı sousu ilə hazırlanır. Bu yeməyin yüksək qiyməti, istifadə olunan məhsulların nadirliyi və keyfiyyəti ilə bağlıdır.

4. Louis XIII Pizza

İtaliyanın Salerno şəhərində Renato Viola tərəfindən hazırlanan Louis XIII Pizza dünyanın ən bahalı pizzalarından biridir.

Qiyməti 12.000 dollar olan bu pizza üç növ nadir kürü, Norveç xərçəngi, orqanik camış, mozzarella pendiri və Avstraliya çəhrayı duzundan hazırlanır. Pizzanın hazırlanması 72 saat çəkir.

5. Yubari kral qovunu

Yaponiyada yetişdirilən Yubari kral qovunu dünyanın ən bahalı meyvələrindən biridir. Bu qovunlar mükəmməl yuvarlaq və şirin olmasını təmin etmək üçün xüsusi texnikadan istifadə etməklə yetişdirilir.

2019-cu ildə iki Yubari qovunu hərracda 45 min dollara satılıb. Bu qovunların yüksək qiyməti onların nadir olması və çox əmək tələb edən yetişdirmə prosesi ilə bağlıdır.

6. Zillion Dollar Lobster Frittata

Nyu-Yorkdakı bir restoranda təqdim edilən Zillion Dollar Lobster Frittata dünyanın ən bahalı omleti kimi tanınır. 2000 dollarlıq qiyməti ilə seçilən bu omletin tərkibində ulduzlu nərə balığının kürüsü və təzə omar var.

Dəbdəbəli inqrediyentləri və möhtəşəm təqdimatı ilə bu yemək qurmanların diqqətini cəlb edir.

7. Dondurulmuş yüksək şokolad

Dünyanın ən bahalı deserti adını daşıyan bu yeməyin qiyməti 25 min dollardır. Bu desert dəbdəbəli zərgərlik brendi ilə əməkdaşlıqda hazırlanıb və bu, onun möhtəşəmliyini daha da artırır.