Uşaqlıqdan hamımıza bir şey öyrədilib - evə gəldikdən sonra və yemək yeməzdən əvvəl əllərimizi yumalıyıq. Qida infeksiyasına yoluxmamaq üçün mətbəxdəki əşyaları, qabları və bıçaqları mütəmadi olaraq təmizləməliyik.
Lent.az xəbər verir ki, bunlara həmçinin, meyvə və tərəvəzlər də daxildir. Ancaq bəzi məhsullar var ki, onlar suya məruz qalmadıqda daha yaxşı qalır. Əks təqdirdə, sağlamlıq üçün təhlükəli nəticələrə səbəb ola bilər..
Mütəxəssislərin sözlərinə görə, çiy əti yeməkdən əvvəl yumaq olmaz. Bu zaman tərkibindəki bakteriyalar hər yerə yayılır. Çox vaxt bunlar kampilobakter və ya salmonellalardır. Onlar lavabonun, dəzgahların, qabların və əllərin üzərinə düşür. Sonra zərərli maddələr təhlükəsiz şəkildə qidaya və bədənimizə daxil olur. Nəticədə zəhərlənmə halları baş verir.
Təbii ki, su ət parçasındakı bakteriyaları aparır. Ancaq açıq-aydın onları yox etmir. Qızartma, bişirmə və qaynatma zamanı isə istilik onları mütləq şəkildə məhv edir və bu kifayətdir. Buna görə də əti yumağa ehtiyac yoxdur. Üstəlik bu zaman ətin dadı da pisləşir.
Qeyd edək ki, eyni şey balığa da aiddir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
