1994-cü ildə yazıçı Əlibala Hacızadənin “İtkin gəlin” əsəri əsasında çoxseriyalı televiziya filminə quruluş verməklə Respublikamızda ilk dəfə teleserialın əsasını qoyan, xalq artisti Lütfü Məmmədbəyovun anadan olmasının ildönümü tamam olur. Lent.az-ın kino.org.az-a istinadən verdiyi məlumata görə, 60-dan çox televiziya tamaşasının quruluşçu rejissoru, bir sıra bədii filmlərdə maraqlı obrazlar yaradan xalq artisti Lütfü Şahbaz oğlu Məmmədbəyov 1927-ci il fevralın 6-da Ağdaşda anadan olub. O, Teatr texnikumunda (1943-1947), M.A.Əliyev adına Azərbaycan Dövlət İncəsənət İnstitutunun rejissorluq fakultəsində (1961-1966) təhsil alıb.
Yaradıcılığa 1947-ci ildə Musiqili Komediya Teatrında başlayan Lütfü Məmmədbəyov sonradan Dram Teatrına dəvət olunaraq, bir neçə tamaşaya quruluş verib. Ömrünün sonunadək burada çalışan, Qızıl Dərviş mükafatı laureatı, xalq artisti Lütfü Məmmədbəyov 2004-cü il fevral 1-də vəfat edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
