Ağstafada xalq şairi Hüseyn Arifin yaradıcılıq gecəsi keçirilib. Lent.az-ın məlumatına görə, Yazıçılar Evində keçirilən gecədə rayonun rəhbər işçiləri, şairinin yaxın qohumları, yazıçılar və şairlər, rayon ziyalıları və ağsaqqalları, incəsənət və mədəniyyət nümayəndələri iştirak edib.
Gecədə çıxış edənlər unudulmaz şair Hüseyn Arifin Azərbaycan ədəbiyyatına verdiyi töhfələrdən və onun vətənpərvərlik ruhunda yazdığı şeirlərin gələcək nəsillərin təlim-tərbiyəsində müstəsna əhəmiyyətindən danışıblar.
Şairinin qızı Zöhrə Hüseynzadə, şairə Cığatel İsə qızı, şair Bilal Qoca, Saqif Qaratorpaq, yazıçı-publisist Firdovsi Heydərli və digərləri XX əsr Azərbaycan poeziyasının görkəmli nümayəndəsi Hüseyn Arifin həyat və fəaliyyətindən ətraflı söhbət açıblar. Gecə H. Arifin sözlərinə bəstələnmiş mahnıların ifası ilə davam etdirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
