Azərbaycan Dövlət Gənc Tamaşaçılar Teatrında məşhur ingilis şairi və dramaturqu Uilyam Şekspirin anadan olmasının 450 illiyinə həsr olunmuş tədbir keçirilib. Teatrdan Lent.az-a verilən məlumata görə, tədbirdə teatrının direktoru, əməkdar artist Mübariz Həmidov, “British Council”ın Azərbaycan nümayəndəliyinin direktoru Elizabet Uayt çıxış ediblər.
M. Həmidov çıxışında Azərbaycan teatrının inkişafında U. Şekspir yaradıcılığının müstəsna rolunu diqqətə çatdıraraq teatrlarımızda dramaturqun böyük müvəffəqiyyətlə səhnələşdirilmiş əsərlərindən danışıb.
Tədbirdən sonra “Romeo və Culyetta” tamaşası nümayiş etdirilib. Tamaşada Azərbaycan Dillər Universitetinin müəllim və tələbə kollektivi, teatrsevərlər klubunun üzvləri, eləcə də ictimaiyyət nümayəndələri iştirak ediblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
