Bu gün bəstəkar Qara Qarayevin doğum günüdür. Lent.az-ın məlumatına görə, mərhum sənətkar 1918 - ci il fevralın 5-də Bakıda məşhur həkim-pediatr Əbülfəz Qarayevin və Sona xanım İsgəndər qızının ailəsində doğulub. Sənətkar 1926-cı ildə Dövlət Konservatoriyası yanında musiqi məktəbinə qəbul edilib. 1930 – cu ildə isə Azərbaycan Dövlət Konservatoriyası yanında musiqi texnikumunda professor Georgi Şaroyevin fortepiano sinfinin tələbəsi olub. 1937–ci ildən Bəstəkarlar İttifaqına üzv qəbul edilib. "Leyli və Məcnun" simfonik poemasına görə Dövlət mükafatı laureatı olub. O, “Leyli məcnun”, “Yeddi gözəl”, “İldırım yollarla” baletləri ilə yanaşı, “Vətən”, “Zəriflik” kimi əsərləri ilə yaddaşlarda qalıb.
Xatırladaq ki, Q.Qarayev 1982-ci il mayın 13-də (64 yaşında) dünyasını dəyişib.
Mədəniyyət və Turizm Nazirliyindən Lent.az-a verilən məlumata görə, bu gün saat 18:00-da Niyazinin Mənzil Muzeyində mərhum sənətkar Qara Qarayevin 96 illiyi münasibətilə tədbir keçiriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
