Mayın 30-da Azərbaycan Dövlət Akademik Opera və Balet Teatrında Cakomo Puççininin “Toska” operasının tamaşası keçiriləcək. Teatrdan Lent.az-a verilən məlumata görə, əsas rollarda ilk dəfə teatrın gənc və istedadlı solistləri – əməkdar artistlər İlahə Əfəndiyeva (Toska) və Fərid Əliyev (Kavaradossi) çıxış edəcəklər.
Skarpia partiyasını Belarusun əməkdar artisti, vokalçıların beynəlxalq müsabiqələrinin laureatı Vladimir Qromov ifa edəcəkdir.
Operada həmçinin xalq artisti, vokalçıların Bülbül adına beynəlxalq müsabiqəsinin Qran-Pri mükafatçısı Əli Əsgərov, əməkdar artistlər Əkrəm Poladov və Cahangir Qurbanov iştirak edəcəklər.
Tamaşanın dirijoru Azərbaycanın xalq artisti, professor Cavanşir Cəfərovdur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
