1 yaşlı kino saytı

Bu günlərdə Bakı Şəhər İcra hakimiyyəti Aparatının Kino Xidməti İdarəsi kino.org.az saytının ad gününü qeyd edib. Lent.az-ın məlumatına görə, tədbirdə iştirak edən Ombudsman Elmira Süleymanova bu bir ildə biz Kino Xidməti İdarəsinin keçirdiyi bütün tədbirlərdə iştirak etdiyini deyib: “Fəaliyyətinizi izləyirik. İdarəniz çox böyük işlər görüb. 20 Yanvar şəhidləri, Xocalı faciəsinə həsr olunan təbirlər, xüsusən də filmlər yaxın tariximizi gənc nəslin yaddaşına həkk etmək üçün çox gözəl təbliğat vasitəsidir ”.

Kino Xidmətinin işindən danışan E. Süleymanova bütün kollektivə uğurlar arzulayıb.

Millət vəkili Aydın Mirzəzadə bildirib ki, müxtəlif mövzularda tədbirlər keçirən Kino Xidməti İdarəsi öz fəaliyyəti ilə diqqət mərkəzindədir.

Prezident təqaüdçüsü şairə-publisist Gülayə Şınıxlı vətənpərvərlik mövzusunda keçirilən tədbirlərə xüsusi diqqət çəkərək bildirdi ki, belə tədbirlər müasir gənclərə hər zaman nümunə olmalıdır.

Tədbirdə çıxış edən Milli Məclisin Kitabxana sektorunun müdiri Mehman Namazov idarənin keçirdiyi tədbirləri yüksək qiymətləndirməklə kino.org.az saytının daimi oxucusu olduğunu və burada dərc edilən unudulmuş incəsənət xadimlərinin xatirə günlərini və gündəlik kino yeniliklərini izlədiyini bildirib.

Bakı şəhər İcra Hakimiyyəti Xarici Əlaqələr və İnvestisiya Proqramları Departamentinin sədr müavini İsa Qaraşov bu hadisənin Bakı şəhər İcra Hakimiyyətinin həyatında yeni bir səhifə açdını vurğulayıb. O, keçirilən tədbirlərin sayt vasitəsilə dünyaya çatdırılması istiqamətində kollektivə uğurlar arzulayıb.

Qeyd edək ki, sayt 2014-cü ildə təsis edilib. Bakı Şəhər İcra Hakimiyyətinin müxtəlif mövzularda keçirdiyi tədbirləri kino Xidməti İdarəsi öz saytında daim diqqətdə saxlayır. Azərbaycan kinosunun təbliği sahəsində görülən işləri və yeni çəkilən filmləri geniş tamaşaçı auditoriyasına təqdim edir. Gənc nəslin hərbi vətənpərvərlik ruhunda formalaşmasını, Bakı şəhərində keçirilən milli Qəhrəmanlara həsr olunan həftənin keçirilməsini təmin edib və kino.org.az saytında işıqlandırıb.