ABŞ-ın Pensilvaniya ştatında yaşayan azərbaycanlı rejissor Elmar Bayramovun növbəti filmi uğur qazanıb.
Diasporla İş üzrə Dövlət Komitəsindən Lent.az-a verilən məlumata görə, həmvətənimizin rejissoru olduğu "Ladybug" ("Uğur böcəyi") qısametrajlı filmi Florida ştatının Koko Biç (Cocoa Beach) şəhərində keçirilən "15 Minutes of Frame" film festivalinda “Ən yaxşı sosial film” nominasiyası üzrə qalib olub. Autizm sindromlu uşaqlara həsr edilən filmdə Azərbaycanın görkəmli sənətkarı Rəşid Behbudovun ifasinda “Laçın” mahnısı səsləndirilib.
Qeyd edək ki, Azərbaycandan ABŞ-a köçən Elmar Bayramov Pensilvaniya ştatında rejissor kimi çalışır. Onun “Oops” qısametrajlı filmi də bir müddət əvvəl "Urban Action Showcase" festivalında “Döyüş” nominasiyası üzrə ən yaxşı film seçilib və "Let me run" filmi "Best USA Film" ("Ən yaxşı ABŞ filmi") nominasiyası üzrə qalib olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
