Fermerin 40 ildən sonra öz bağında tapdığı 2400 illik xəzinə diqqət çəkib.
Lent.az-ın Türkiyə mediasına istinadən xəbərinə görə, Muğlanın Milas rayonunda yaşayan əkinçinin tarlasında təxminən 2400 il əvvələ aid tarixi əsər tapılıb.
Əkin sahəsini şumlayarkən böyük qaya parçası aşkar edən Əhməd Bakinin tapıntısı Milas muzey rəhbərliyinin sürətli hərəkətə keçməsinə səbəb olub.
Qaya parçasını təmizlədikdən sonra onun qədim əsər olduğunu anlayan Baki dərhal vəziyyəti səlahiyyətlilərə çatdırıb.
Milas muzey rəhbərliyi və yerli əhali ilə birgə aparılan təcili qazıntılar nəticəsində tapıntının Miladdan öncə IV əsrə aid olduğu məlum olub.
Hələlik tapılmış sərdabənin içərisində nə olması barədə məlumat verilmir.
Əhməd Baki 40 ildir eyni bağda əkin-biçin işləri apardığını, lakin xəzinənin fərqində olmadığını deyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
