Yuxusuzluqdan qurtulmaq üçün hər səhər bunu etmək lazımdır

Yuxusuzluq bir çox insanın sağlamlığına və ümumi vəziyyətinə mənfi təsir göstərir. Mütəxəssislər bildirirlər ki, bu problemi dərmanlarla deyil, düzgün səhər vərdişləri ilə həll etmək mümkündür. Xüsusilə yuxusuzluğun səbəbi stress, vitamin çatışmazlığı və ya elektron cihazların ekranlarından gələn mavi işıq ola bilər.

Lent.az bununla bağlı məlumatları sizə təqdim edir:

15x15x15 metodu nədir?
Yuxu üzrə mütəxəssis Maykl Breus, orqanizmin sirkadiyal (bioloji) ritmlərini bərpa etməyə kömək edən sadə, amma təsirli bir səhər rutini tövsiyə edir. Bu metod hər səhər yuxudan oyanan kimi yerinə yetiriləcək üç əsas addımdan ibarətdir:

1. Dərin nəfəs alma – 15 dəqiqə
Yuxudan sonra ilk 15 dəqiqə ərzində dərin və ritmik nəfəs almaq vacibdir. Bu, beynin oksigenlə təmin olunmasına və orqanizmin oyanmasına kömək edir. Nəfəs texnikaları sinir sistemini sakitləşdirir və stressi azaldır.

2. Su içmək – 450 ml
Orqanizmin su balansını bərpa etmək üçün 450 ml təmiz su içmək tövsiyə olunur. Bu, maddələr mübadiləsini aktivləşdirir və bədəni “oyadır”. Gecə boyunca bədən susuz qalır və bu çatışmazlığı səhər aradan qaldırmaq vacibdir.

3. Gün işığına çıxmaq – 15 dəqiqə
Pəncərə pərdələrini açın, eyvana çıxın və ya kiçik bir səhər gəzintisi edin. 15 dəqiqə təbii işıq altında qalmaq melatonin və serotonin hormonlarının balansını tənzimləyir. Bu, axşam rahat yuxuya getməyə kömək edir və vitamin D sintezini stimullaşdırır.

Əgər gün işığı azdırsa:
Qış aylarında günəş işığı az olduğuna görə, orqanizmdə D vitamini çatışmazlığı yarana bilər. Bu halda, pəhrizə aşağıdakı qidaları əlavə etmək tövsiyə olunur:

Balıq (xüsusilə yağlı növlər),

Göbələk,

Yumurta sarısı,

D vitamini ilə zənginləşdirilmiş şirələr.

Bu metod hər gün yalnız 15 dəqiqəlik 3 vərdiş tələb edir, amma nəticələri uzunmüddətli olur:

Yuxu rejimi bərpa olunur,

Psixoemosional fon stabilləşir,

Orqanizm gün ərzində daha enerjili olur.

Unutmayın: sağlam yuxu — sağlam həyatın təməlidir.