Yuxuda yağış görmək nə vəd edir?

Psixoanalist və nevroloq Ziqmund Freyd deyirdi ki, görülən yuxularin məqsədi əslində arzularımızın həyata keçməyini istəməyimizdir. Məsələn, pəhrizdə olan insan yuxuda şokolad yediyini, sevgilisindən ayrılan şəxs yuxuda sevgilisini görür və s.

Bəs, yuxuda yağış yağdığını görmək nə mənaya gəlir?

Lent.az yuxu zamanı yağış görməyin hansı mənaya gəldiyi ilə bağlı məlumatları təqdim edir:

Əvvəla, yağış görmək xeyirə yozulur. Yəni, yuxuda yağış görmüsünüzsə, bu, maddi sıxıntılardan, çətin zamanları geridə qoyub xoş günlərə çatacağınız anlamına gəlir. Uğur qazanacaq, bolluq və bərəkət əldə edəcəksiniz. Şans qapını döyürsə, düzgün istifadə edib mal-mülk sahibi də ola biləcəyinizi sizə agah edir. Ümumi olaraq, xeyir xəbərlər alacaqsınız.

Lakin yağışın altında islandığınızı görürsünüzsə, bunun yaxşı bir şey olmadığını da bilməlisiniz. Bu yuxu ondan xəbər verir ki, tezliklə üzücü xəbər alacaqsınız.

Yuxuda yağış yağarkən qaçırsınızsa, işlərinizin yolunda getməyəcəyi mənasına gəlir.

Bir tərəfdən də yuxu sahibi yağışda islanırsa və həyatda xəstədirsə, sağlamlığına qovuşacağı gözlənilir.