Paltarları qar kimi ağardır - Saralmış geyimlərə son

Evdə sadə bir üsulla saralmış, bozarmış ağ paltarları ilk günkü kimi parlaq etmək mümkündür. Yuma zamanı deterjanla birlikdə əlavə edəcəyiniz bu xüsusi maddə, həm ləkələri çıxarır, həm də parçanın canlı görünməsini təmin edir. Üstəlik, bahalı təmizlik məhsullarına ehtiyac olmadan təsirli nəticə verir.

Lent.az bu üsulu təqdim edir:

Mütəxəssislərin tövsiyə etdiyi praktik üsul sayəsində, sadəcə yuma zamanı ediləcək kiçik bir əlavə ilə paltarlarınız işıl-işıl olacaq. Saralma və matlaşma problemini aradan qaldıran bu üsul, tamamilə evdə tapıla biləcək vasitələrlə tətbiq olunur.

Ağ paltarların ilk günkü kimi canlı qalması üçün karbonat ən təsirli təbii vasitələrdən biridir. Yuma zamanı deterjanla birlikdə yarım stəkan karbonat əlavə etmək, həm ləkələri çıxarır, həm də parçanın rəngini canlandırır. Bundan əlavə, karbonat deterjanın təmizləmə gücünü artıraraq daha aşağı temperaturda belə təsirli təmizlik təmin edir. Beləliklə, həm enerji qənaəti olunur, həm də paltarların ömrü uzanır.

Limon suyu
Limon suyu tərkibindəki təbii turşular sayəsində ağ paltarlarda yaranan bozarmaları aradan qaldırır. Yuma öncəsi yarım çay stəkanı limon suyunu maşının deterjan gözünə əlavə etmək, paltarlara parlaq görünüş qazandırır. Bu üsul, eyni zamanda parçaya zərər vermədən yüngül ləkələrin çıxmasına kömək edir. Kimyəvi ağardıcılar əvəzinə limondan istifadə etmək həm ətraf mühitə, həm də dəriyə daha dost bir təmizlik təmin edir.

Sirkə
Ağ paltarların yuyulmasında sirkədən istifadə etmək, həm ləkələrin çıxmasına, həm də deterjan qalıqlarının aradan qalxmasına kömək edir. Yarım stəkan ağ sirkəni yuma suyuna əlavə etmək, paltarların yumşaq və təmiz qoxulu olmasını təmin edir. Sirkə, eyni zamanda, paltaryuyan maşında kirəc yığılmasının qarşısını alır. Daimi istifadədə həm paltarlar, həm də maşın daha uzun müddət təmiz və səmərəli qalır.

Günəş işığı
Təbii ağardıcıların ən təsirlisi günəş işığıdır. Yuyulan ağ paltarları günəşdə qurudmaq həm bakteriyaları məhv edir, həm də təbii ağartma təsiri göstərir. Xüsusilə yay aylarında bu üsul olduqca effektlidir. Günəş işığı, kimyəvi maddələrdən istifadə etmədən parıltı verir. Lakin parçanın zərər görməməsi üçün paltarları çox uzun müddət birbaşa günəş altında saxlamamağa diqqət etmək lazımdır.