Argentinalı Emilio Skotto maraqlı rekorda imza atıb. Adam ən uzun səyahəti motosikletlə edib.
Lent.az xarici KİV-ə istinadən xəbər verir ki, rekord səyahət 10 il davam edib.
"Ginnesin Rekordlar Kitabı"nın tərtibçiləri argentinalının nailiyyətini nəzərdən qaçırmayıblar. Rekordçu 1956-cı ildə anadan olub. Bir müddət Skotto əczaçılıq şirkətinin əməkdaşı olub. Ancaq 30 yaşına bir il qalmış adam səyahət etmək istədiyi qənaətinə gəlib.
Argentinalı həyatını bu fəaliyyətə həsr etmək qərarı alıb. Skotto işini atıb motosikletlə səyahətə çıxıb. Səyahət 1985-ci il yanvarın 17-də başlayıb və 2 aprel 1995-ci ildə başa çatıb. Bu 10 il ərzində motosikletçi 735 min kilometr yol qət edib və 214 ölkəni gəzib.
Skotto təəssüratlarını 2007-ci ildə nəşr olunan və oxucular arasında kifayət qədər uğur qazanan bir kitabda təsvir edib. Və "Ginnesin Rekordlar Kitabı"nın tərtibçiləri belə nəticəyə gəliblər ki, o, motosikletlə ən uzun səyahət edib. O vaxtdan bəri kataloqda Emilio Skotto adı çəkilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
