Mütəxəssislər bildirirlər ki, düzgün seçilməmiş tava yeməyin dadını korlaya və hətta faydalı xüsusiyyətlərini azalda bilər.
Lent.az bu tavaları təqdim edir:
Yumurta qızartmaq üçün yararsız tavalar
1. Alüminium tava dadın və faydanın düşməni
Bir çox insan hələ də köhnə alüminium tavalar istifadə edir, amma bu material istilikdə zülallarla və yağlarla reaksiya verir. Nəticədə yumurtanın ağ hissəsi “rezin kimi”, sarısı isə acı olur. Üstəlik, cızıqları olan tavadan alüminium hissəcikləri qidaya keçə bilər, bu isə sağlamlıq üçün təhlükəlidir.
2. Cızıqlı teflon tavalar
Teflon örtük yalnız bütöv olduqda təhlükəsizdir. Səthdə çat və qaralmalar varsa, mikrohissəciklər qidaya düşür və yüksək temperaturda toksik birləşmələr əmələ gətirir. Belə tavada bişirilən yumurta tez-tez metal və ya plastik dadı verir. Qat örtüyü zədələnmiş teflon tavadan dərhal imtina etmək lazımdır.
3. Keyfiyyətsiz çuqun tava
Çuqun yalnız düzgün qulluq olunarsa mükəmməl nəticə verir. Keyfiyyətsiz və ya oksidləşmiş səthli çuqun yumurtaya tünd rəng və qəribə dad verir. Həm də belə səthdə ağ hissə tez yapışır və yumurtanı bütöv saxlamaq çətinləşir.
İdeal yumurta üçün hansı tava seçilməlidir
Kulinariya mütəxəssisləri qalın dibli, cızıqsız antistick (antiprixar) səthli tavaları məsləhət görürlər.
Ən yaxşı variantlar
keramika və ya mərmər örtüklü tavalar istiliyi bərabər paylayır, reaksiya vermir; yağla işlənmiş keyfiyyətli çuqun tava düzgün qulluq olunduqda illərlə istifadə edilə bilər. Bu tip səthlər yumurtanın təbii dadını, ətirini və yumşaq teksturasını qoruyur, nəticədə səhər yeməyi həm dadlı, həm də faydalı olur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
