“Ti kto takoy, davay, dosvidanya” meyxanası ilə populyarlaşan meyxanaçı qardaşlar, İntiqam və Ehtiram Rüstəmovlar Rusiyanın məşhur NTV- kanalının populyar “Qovorim i pokazıvaem” tok-şousuna dəvət alıblar.
Lent.az-ın məlumatına görə, həmin şouya Rüstəmov qardaşlarını proqramın aparıcısı Leonid Zakoşanski şəxsən dəvət edib. Artıq anonsları yayınlanan verilişdə, meyxanaçılarımızdan başqa Rusiyanın bir çox şou nümayəndələri də qatılıb.
Dekabrın 31, 17-40-da efirə gedəcək şouda Rüstəmov qardaşları “Starıy qod, davay, do svidaniya” meyxanasını ifa edəcəklər.