Tanınmış türkiyəli aktrisa Nehir Erdoğana narkotik maddə qəbul etməkdə təqsirli bilindiyi üçün 10 ay həbs cəzası verilib. Lent.az-ın Türkiyə mediasına istinadən verdiyi xəbərə görə, İstanbul Asliy Məhkəməsində keçirilən məhkəmə prosesində aktrisa Türkiyədə narkotik istifadə etmədiyini iddia edib: “Mən narkotiki Amsterdamda yalnız bir dəfə istifadə etmişəm. Amma Türkiyədə həmin maddədən istifadə etməmişəm. Mənim haqqımda qaldırılan iddialar doğru deyil. Bəraət istəyirəm”.
Xatırladaq ki, sonda məhkəmə hökmün icra olunmasını təxirə salıb. Tanınmış aktrisa 5 il ərzində cinayət törətməsə bu cəzadan qurtulacaq.