Rəmiş Əli Mirəliyevə səsləndi: “Bəsdir!” - <span style="color:red;">QALMAQAL
04 iyul 2014 13:19 (UTC +04:00)

Rəmiş Əli Mirəliyevə səsləndi: “Bəsdir!” - QALMAQAL

Əməkdar artist, gitara ifaçısı Rəmiş (Rafiq Hüseynov) şou-biznesdə bir çox ifaçılarla qalmaqal edən müğənni Əli Mirəliyevə səslənib. Lent.az-a açıqlama verən gitara ifaçısı bildirib ki,  Ə.Mirəliyevin bəzi müğənnilər barədə söylədiyi fikirlər əsassızdır: “Bilirsiniz, Əli Mirəliyev hərdən qalmaqallar yaradır. Mən ondan narazıyam. O, bir zamanlar musiqi alətində ifa edən, daha sonra müğənnilik edənlərə lağ edir. Amma səhv edir. Mən düşünürəm ki, bir ifaçı əvvəl musiqi alətində ifa edirsə, daha sonra müğənni olursa, o daha da gözəl oxuyar. Məsələn, Cavanşir Məmmədov. O, bizim ansamblda qarmon çalıb. İndi müğənnidir. Gözəl də oxuyur. Bəsdir Əli, bu qalmaqallara son qoy”.

 

 

 

Qeyd edək ki, əməkdar artist C. Məmmədov bir müddət öncə müğənni Ə.Mirəliyevlə qalmaqal yaşamışdı. Qalmaqala səbəb C.Məmmədovun müğənni Rəqsanə İsmayılova və xalq artisti Səməd Səmədovu müdafiə etməsi olmuşdu:  “Əli Mirəliyevin Rəqsanə haqqında dediklərini eşidəndən sonra ona zəng etdim. Dedim ki, Səməd üç ildir səni yola verir. İndi də Rəqsanənin üstünə düşmüsən? O, qadındır, övladları var. Bu qədər sərt danışmaq sənə nə verir? Səməd çox səbirli insandır. Əli dedi ki, mən o sözləri işlətməmişəm. Dediklərini dandı”.

# 2123
avatar

Yalçın UĞUR

Oxşar yazılar