Emin Ağalarov Səbinəni Mayamidən salamladı...

Dünən müğənni Səbinə Babayevanın "Oceans away" mahnısının təqdimat mərasimi keçirilib. Xatırladaq ki, mahnının musiqisi bəstəkar - müğənni Emin Ağalarovundur. Lent.az-a mahnının ərsəyə gəlməsindən danışan müğənni bunun ona hədiyyə olduğunu söyləyib: “Bir ifaçının öz həmkarına dəstək verməsi çox nadir hallarda olur. Məhz buna görə Emin Ağalarova minnətdaram. “Eurovision- 2012” mahnı müsabiqəsində ifa etdiyim mahnıdan sonra
pərəstişkarlarım mәndәn yeniliklər gözləyirdi. Özüm də dünya səviyyəli mahnı ifa etmək istəyirdim. Buna görə də “Oceans away” mahnısını oxudum. Bu mahnıya klip çəkdirmək niyyətindəyik .”

Mətbuat konfransı bitdikdən sonra müğənni mini-konsert proqramı ilə çıxış edərək, ən sevilən əsərlərini səsləndirib. Şou-men Murad Dadaşov və Cavid Gülün aparıcılıq etdiyi gecədə isə əməkdar artistlər Lalə Məmmədova, Ədalət Şükürov, Sevda Ələkbərzadə, Məryam Süleymanova müğənnilərdən Elnur Məmmədov, Elnur Hüseynov, Zamiq Hüseynov, Elnarə Xəlilova və başqaları iştirak edib. Tədbirin sonunda isə Mayamidə olduğu üçün tədbirə qatıla bilməyən Emin Ağalarov təbrikini Səbinəyə video çarx vasitəsilə çatdırıb.