Türkiyənin məşhur “O səs Türkiyə” yarışmasının yarımfinalına vəsiqə qazanan iştirakçıların adı məlum olub. Lent.az-ın məlumatına görə, müsabiqənin növbəti mərhələsində yeganə azərbaycanlı iştirakçı Elnur Hüseynov da səhnəyə çıxıb. Təmsilçimiz "Exogenesis" simfoniyasından bir parça ifa edib. Daha sonra Ebru Gündeş komandasında yarışan E. Hüseynovun ifası barədə bu sözləri deyib: “Elnur, çox qorxunc səsin var. Mən çox insanlara deyirəm ki, “yaxşı səsin var”. Səninlə birgə bu müsabiqədə yarışan iştirakçıların da yaxşı səsi var. Amma sənin səsin bir başqadır. Düşünürəm ki, musiqidən anlayışı olan hər kəs mənimlə eyni fikirdədir”. Sonda açıqlanan nəticələrə görə, E. Hüseynov yarımfinala vəsiqə qazanıb.
Qeyd edək ki, TV8 telekanalında Acun İlicalının aparıcı olduğu yarışmanın münsiflər heyətində məşhur müğənnilər Ebru Gündeş, Hadisə, Mazhar-Özkan cütlüyü və Gökhan Özoğuz yer alır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
