Bəzi məşhurlar ata olmağa tələsmirlər. Kimisi illərlə karyera qurub, kimisi azadlığın dadını çıxarıb, kimisi isə sadəcə "doğru" insanla rastlaşmayıb. Lakin bu aktyorlar sübut etdilər ki, ata olmaq heç vaxt gec deyil.
Lent.az 50 yaşından sonra ilk dəfə valideyn olan aktyorları təqdim edir.
Corc Kluni
Corc Kluni uzun müddət Hollivudun ən arzuolunan subayı hesab olunub. Amal Kluni ilə tanışlıqdan sonra hər şey dəyişib. 2017-ci ildə, aktyorun 56 yaşı olanda cütlüyün ekizləri - Ella və Aleksandr dünyaya gəlib.
Kluni etiraf edib ki, yalnız uşaqlar doğulduqdan sonra ailənin onun üçün nə qədər vacib olduğunu anlayıb:
"Mənə elə gəlirdi ki, kifayət qədər dolğun həyat yaşayıram. Sonra Amalla tanış oldum və anladım ki, həyatım əslində boş imiş. Bura bu iki uşağı da əlavə edəndə isə birdən-birə həyatının nə dərəcədə boş olduğunu dərk edirsən", - aktyor bir müsahibəsində bildirib.
Hyu Qrant
Hyu Qrant ilk dəfə 51 yaşında ata olub. Onun ilk övladı 2011-ci ildə doğulub. Hazırda aktyorun beş övladı var. Onlardan ikisi Tinqlan Honqla olan münasibətindən, üçü isə Anna Elizabet Eberşteynlə nikahından dünyaya gəlib.
Maraqlıdır ki, uzun müddət "sərt subay" imicinə malik olan Qrantın həyatı övladları doğulduqdan sonra kökündən dəyişib.
Uorren Bitti
Uorren Bitti ilk dəfə 54 yaşında atalıq hissini dadıb. Həyat yoldaşı, aktrisa Annet Beninq onlara "Baqsi" filminin çəkilişlərində tanış olduqdan sonra ilk övladlarını bəxş edib. Cütlüyün ümumilikdə dörd övladı var. Nikaha qədər Hollivudun ən məşhur "ürəkoxşayanı" statusunu daşıyan Bitti üçün ailə həyatının ən mühüm mərhələsinə çevrildi.
"Bu, həm mənim, həm də onların anasının həyatında baş verən ən böyük hadisədir", - o, bildirib.
Stiv Martin
Stiv Martin həmkarlarından daha gec - 67 yaşında ata olub. 2012-ci ildə həyat yoldaşı Enn Strinqfild onun qızını dünyaya gətirib. Aktyor gec ata olduğu üçün qətiyyən peşman deyil. Əksinə, o hesab edir ki, daha gənc yaşda karyerasına həddindən artıq fokuslandığı üçün pis ata ola bilərdi.
"Əgər uşağım daha tez olsaydı, mən pis ata olardım, çünki bütün diqqətimi karyerama yönəldərdim", - Martin 2017-ci ildə AARP-yə müsahibəsində qeyd edib.
Ceff Qoldblum
"Yura dövrünün parkı" ulduzu Ceff Qoldblum ilk dəfə 62 yaşında ata olub. Həyat yoldaşı Emiliya Livinqstonla birlikdə iki oğul böyüdürlər. 2015-ci ildə Çarli Ouşen, 2017-ci ildə isə River Co dünyaya gəlib.
Uzunmüddətli və uğurlu karyeradan sonra atalıq aktyorun həyatında yeni və böyük bir səhifə açıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
