İlham Mirzəyev “Space”-dən inciyib

Lent.az-ın məlumatına görə, iki aydır aparıcının müəllifi olduğu "Etiraf" və "Bizi barışdırın" verilişlərinin çəkilişləri dayandırılıb. Çəkilişlərin dayandırılmasına səbəb tanınmış psixoloq, astroloq, teleaparıcı və nəhayət nəğməkar şairin çəkilişlərə gəlməməsidir. Onun "Space" telekanalından incik düşdüyü deyilir.

Qeyd edək ki, iyun ayında "Etiraf" verilişinin yayımlandığı telekanalda 5 yaşı qeyd olundu və orada İlham Mirzəyev belə bir söz işlətdi: "Mən 12 ildir ki, bu kanalda çalışıram, "Space" mənim üçün bir müqəddəs məbəddir".

Yaxşı, bu kanalı özünə müqəddəs məbəd hesab edən neçə illərin aparıcısını bu kanaldan getməyə nə vadar etdi? Aldığımız məlumata görə, onu telekanaldan incik salan prodakşnların telekanala ayaq açmasıdır.

Lalə Yusifqızı