"Rusiyalı ekspert rəy verib ki, meyit beş dəqiqəyə o vəziyyətə düşə bilməz" - “NƏRMİN İŞİ”
06 oktyabr 2022 16:55 (UTC +04:00)

"Rusiyalı ekspert rəy verib ki, meyit beş dəqiqəyə o vəziyyətə düşə bilməz" - “NƏRMİN İŞİ”

Tovuzun Dondar Quşçu kəndində 10 yaşlı Nərmin Quliyevanı qətlə yetirməkdə ittiham olunan İlkin Süleymanovun cinayət işi üzrə məhkəmə araşdırması davam etdirilib.

Lent.az APA-ya istinadən xəbər verir ki, Gəncə Ağır Cinayətlər Məhkəməsində hakim Dadaş İmanovun sədrliyi ilə keçirilən iclasda sənədlərin tədqiqi mərhələsi keçirilir.Şəxsi həyata aid məsələlər müzakirə olunduğuna, iş materiallarında bu haqda sənədlər araşdırıldığına görə budəfəki proses qapalı keçirilib.

Məhkəmədə ittiham olunan şəxsin telefonu ilə bağlı ekspert rəyi tədqiq olunub.

Həmin rəydə göstərilib ki, İlkin Süleymanovun telefonundan internetdə cizgi filmlərinə və porno görüntülərə baxılıb.

Müdafiə tərəfi isə İlkin Süleymanovun telefonuna müdaxilə edildiyini, sübut yaratmaq üçün müxtəlif internet saytlarına baxıldığını deyib.

Daha sonra vəkillər vəsatət qaldıraraq 2020-ci il yanvarın 6-da axşam saat 20.00 radələrindən sonra İlkin Süleymanovun telefonunun harada olduğunu müəyyənləşdirmək üçün mobil operatora sorğu göndərilməsini, hansı anten dairəsinin əhatəsində olduğu araşdırılmasını istəyiblər.

Məhkəmədə İlkin Süleymanovun işi ilə bağlı Moskvadan alınmış ekspert rəyinin iş materiallarında olmadığı məlum olub. Vəkillər həmin rəyin işə əlavə olunması haqda protokol qəbul olunduğunu məhkəmənin diqqətinə çatdırıblar: “Məşhur rusiyalı ekspert Panov bu hadisə ilə bağlı rəy verib. O rəylə işin halları arasında ziddiyyət var. Məsələn, ekspert rəyi var ki, meyit 5 dəqiqə ərzində yanıb o vəziyyətə düşüb. Rusiyalı ekspert isə rəy verib ki, meyitin o vəziyyətə düşməsi üçün 1-2 saat vaxt lazım idi".

Prosesə sədrlik edən hakim Dadaş İmanov sözügedən rəyin iş materiallarına əlavə olunmaması ilə bağlı məsələnin araşdırılacağını deyib.

Proses oktyabrın 12-də davam etdiriləcək.

Qeyd edək ki, 2019-cu ilin noyabrın 19-dan itkin düşən Tovuz rayonunun Dondar Quşçu kənd sakini, 10 yaşlı Nərmin Quliyevanın qətlə yetirilərək yandırılan meyiti 2020-ci il yanvarın 6-da kənd ərazisində aşkar edilib. Daxili İşlər Nazirliyi, Dövlət Təhlükəsizliyi Xidməti və Baş Prokurorluğun əməkdaşlarından ibarət istintaq-əməliyyat qrupu tərəfindən cinayətin açılması istiqamətində həyata keçirilmiş təxirəsalınmaz istintaq hərəkətləri və əməliyyat-axtarış tədbirləri nəticəsində cinayəti törətməkdə şübhəli bilinən Dondar Quşçu kənd sakini, 1973-cü il təvəllüdlü Süleymanov İlkin İbrahim oğlu tutularaq istintaqa cəlb edilib. İş üzrə çoxsaylı şahidlər dindirilib, məhkəmə-tibbi, məhkəmə-bioloji, məhkəmə-kimyəvi ekspertizaları təyin edilib və digər zəruri istintaq hərəkətləri aparılıb. İ.Süleymanova Cinayət Məcəlləsinin 120.2.4 (xüsusi amansızlıqla qəsdən adam öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 144.3 (adam oğurluğu) və başqa maddələr ilə təqsirli bilinərək barəsində cinayət işi açılıb.

# 3318
avatar

Oxşar yazılar

Rayonda  ƏMƏLİYYAT  : Bakı və Masallı sakinləri tutuldular

Rayonda ƏMƏLİYYAT : Bakı və Masallı sakinləri tutuldular

5 dekabr 2022 , 13:59
Yollarda daha  5 nəfər öldü

Yollarda daha 5 nəfər öldü

5 dekabr 2022 , 10:38
Kənd sakini sinəsindən bıçaqlandı

Kənd sakini sinəsindən bıçaqlandı

3 dekabr 2022 , 14:03
Beyləqandakı qətliamın YENİ DETALLARI:  Hamısı başından güllələnib

Beyləqandakı qətliamın YENİ DETALLARI: Hamısı başından güllələnib

3 dekabr 2022 , 13:00
Şadlıq sarayının yanında kişini döyüb pulunu aldı

Şadlıq sarayının yanında kişini döyüb pulunu aldı

3 dekabr 2022 , 12:00
Beyləqanda  DƏHŞƏT:   Bir ailənin 4 üzvü niyə öldürüldü? - TƏFƏRRÜATLAR  Lent.az-da - YENİLƏNİB

Beyləqanda DƏHŞƏT: Bir ailənin 4 üzvü niyə öldürüldü? - TƏFƏRRÜATLAR Lent.az-da - YENİLƏNİB

3 dekabr 2022 , 10:22
Bakıda köşkə BASQIN

Bakıda köşkə BASQIN

2 dekabr 2022 , 10:44
"Sərnişin"lər taksi sürücüsünü döyüb...

"Sərnişin"lər taksi sürücüsünü döyüb...

1 dekabr 2022 , 16:58