Bakıda quldurluq hadisəsi olub.
Daxili İşlər Nazirliyindən Lent.az-a verilən xəbərə görə, hadisə paytaxtın Xətai rayonunda noyabrın 21-də səhər saatlarında qeydə alınıb. Özlərini poçt işçiləri kimi təqdim edən naməlum şəxslər mənzillərdən birinə daxil olub və ev sahibinin baş nahiyəsinə küt alətlə vuraraq evdən 80.000 manat pul və 20.000 manat dəyərində qızıl-zinət əşyalarını quldurluq yolu ilə ələ keçiriblər. Bu barədə polis orqanlarına məlumat daxil olub.
Polis əməkdaşlarının keçirdikləri intensiv əməliyyat-axtarış, əməliyyat-texniki tədbirlər nəticəsində qeyri-aşkar şəraitdə quldurluq əməlini törətməkdə şübhəli bilinən Bakı şəhər sakinləri Ramazan Kərimov və Əli Vəliyev “isti izlərlə” saxlanılaraq cinayət məsuliyyətinə cəlb ediliblər. Daha 2 nəfərin isə şəxsiyyəti müəyyən olunub.
Əməliyyat-axtarış, əməliyyat-istintaq tədbirləri davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
