Qeyri-neft sahələrində artım - STATİSTİKA
13 avqust 2013 16:09 (UTC +04:00)

Qeyri-neft sahələrində artım - STATİSTİKA

Dövlət Statistika Komitəsi bu ilin yanvar-iyul aylarında sənayenin işi haqqında məlumat yayıb. Komitədən Lent.az-a verilən məlumata görə, ölkənin sənaye sahələrində bu ilin yanvar-iyul aylarında 19,6 milyard manatlıq məhsul istehsal olunub və xidmətlər göstərilib, sənayenin qeyri-neft sahələrində 3,4 faizlik artım, neft sektorunda isə 0,3 faizlik azalma müşahidə olunub.

İstehsalın dörddə üç hissəsi mədənçıxarma, 19,9 faizi emal, 5,3 faizi elektrik enerjisi, qaz və buxar istehsalı, bölüşdürülməsi və təchizatı, 0,6 faizi isə su təchizatı, tullantıların təmizlənməsi və emalı bölmələrində həyata keçirilib.

Yeddi ay ərzində 25,5 milyon ton neft, 10,3 milyard kub-metr əmtəəlik təbii qaz hasil edilib. Qeyri-neft bölməsinin məhsullarından qida, içki, dəri və dəri məmulatlarının, ayaqqabıların, kağız və karton, poliqrafiya, kimya, tikinti materiallarının, metallurgiya, kompyuter və elektron avadanlıqlarının, avtomobil və qoşquların, sair nəqliyyat vasitələrinin, mebel və s. məhsulların istehsalında daha çox artım əldə edilib.

# 426

Oxşar yazılar