Prezident İlham Əliyev kənd təsərrüfatı məhsulları istehsalçılarının texnika ilə təminatına əlavə dəstək haqqında sərəncam imzalayıb. Lent. az-ın “AzərTAc”a istinadən verdiyi məlumata görə, sərəncamda bildirilir ki, iri taxılçılıq təsərrüfatlarının yaradılması, ehtiyatda olan torpaq sahələrinin dövriyyəyə cəlb edilməsi, istismarda olan texnikanın əksəriyyətinin köhnəlməsi əlavə taxılyığan kombaynlarının alınmasını zəruri edir.
Bu səbəbdən, taxılçılıqla məşğul olan kənd təsərrüfatı məhsulları istehsalçılarının bu il taxılyığan kombaynlara ehtiyacını təmin etmək üçün 2013-cü ilin dövlət büdcəsində nəzərdə tutulmuş prezidentin ehtiyat fondundan “Aqrolizinq” Açıq Səhmdar Cəmiyyətinə 15 milyon manat ayrılıb. Maliyyə Nazirliyinə isə həmin məbləğdə maliyyələşməni müəyyən olunmuş qaydada təmin etməsi tapşırılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
