Əhalinin 40 faizi barədə elektron məlumatlar toplanıb
13 sentyabr 2013 11:50 (UTC +04:00)

Əhalinin 40 faizi barədə elektron məlumatlar toplanıb

Dövlət Sosial Müdafiə Fondunun (DSMF) əsas fəaliyyət istiqamətləri tam elektronlaşdırılıb.

DSMF-nin İctimaiyyətlə əlaqələr sektorundan Lent.az-a verilən məlumata görə, hazırda Fond “elektron hökumət” proqramının ən fəal iştirakçılarından biridir və Fondun əhaliyə təqdim etdiyi  elektron  xidmətlərin sayı 21-ə çatıb. 

“Elektron  hökumət”  portalının statistikasına əsasən, Fondun yerinə yetirdiyi elektron xidmətlər əhalinin ən çox müraciət etdiyi elektron xidmətlərdəndir.  Əhalinin daha çox yararlandığı elektron xidmətlər sırasına  “Pensiya kapitalı barədə məlumat”, “Məcburi dövlət sosial sığortasına  cəlb olunan gəlirlər və ödənilmiş məcburi dövlət sosial sığorta haqqı barədə məlumatın əldə edilməsi”,  “Pensiyaçı tərəfindən məlumatların əldə edilməsi”,  “Pensiya kalkulyatoru”,  “Sığortaedənin uçot nömrəsinin öyrənilməsi” adlı xidmətlər daxildir.  2013-cü il ərzində  Elektron  Hökumət Portalına  (www.e.gov.az) 32564 daxil olmadan  83778-i  Dövlət  Sosial Müdafiə Fondunun (DSMF) saytlarından  (www.dsmf.gov.azwww.sspf.gov.az)  yönəlmələrin hesabına olub.

Bundan başqa, Şərqi Avropa və MDB məkanında ilk dəfə olaraq Azərbaycanda vahid  mərkəzdən  avtomatlaşdırılmış  pensiya  təyinatı tətbiq olunmaqdadır. Bu elektron xidmət pensiyaçıların ən çox müraciət etdiyi xidmətlərdən biridir və artıq 2 ay ərzində 356 nəfərə bu sistem vasitəsilə pensiya təyinatı aparılıb. İnformasiya texnologiyalarının uğurlu tətbiqi nəticəsində DSMF-nın bütün orqanlarında  müasir  standartlara  cavab  verən  avtomatlaşdırılmış  iş yerləri  təşkil  olunub,  lokal  şəbəkələr mərkəzi informasiya sisteminə birləşdirilərək Fondun  ümumi  korporativ şəbəkəsi formalaşdırılıb. DSMF-nin  mərkəzi  məlumat bazasında ölkə  əhalisinin  40  faizinə qədəri, yəni 1 milyon 270 min nəfər pensiyaçı  və fərdi hesab açılmış 2 milyon 581 min nəfər sığortaolunan barədə  elektron məlumatlar toplanılıb.

# 730
avatar

Oxşar yazılar