Milli Məclisinin deputatları Qənirə Paşayeva, Asim Mollazadə, Ceyhun Osmanlı, Rasim Musabəyov və Hacı Salayev 3-cü Xəzər Forumunda iştirak etmək üçün dekabrın 4-dən 6-dək Türkiyənin İstanbul şəhərində səfərdə olacaqlar.
Parlamentdən APA-ya verilən məlumata görə, İstanbulda fəaliyyət göstərən Xəzər Strategiya İnstitutunun təşkil etdiyi tədbirə Xəzəryanı ölkələrdən dövlət və hökumət nümayəndələri, parlamentarlar, alimlər, KİV nümayəndələri qatılacaqlar.
Forumda region ölkələri arasında münasibətlərin daha da inkişaf etdirilməsi və inteqrasiya məsələləri müzakirə olunacaq. Xəzər regionu ilə bağlı orijinal tədqiqatlar aparılması, həmçinin enerji, beynəlxalq münasibətlər, təhlükəsizlik, iqtisadiyyat, ətraf mühit məsələləri üzrə strateji tövsiyələr veriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
