Azərbaycan-Rusiya sərhədində yaranan problem həll olunub

Azərbaycandan Rusiyaya aparılan kənd təsərrüfatı məhsullarının təyinat məntəqələrinə çatdırılmasında yaranan problem həllini tapıb.

İqtisadiyyat və Sənaye Nazirliyindən “APA-Economics”ə verilən məlumata görə, ölkəmizdən şimal qonşumuza aparılan kənd təsərrüfatı məhsulları ilə yüklənmiş 180 vaqondan 120-si artıq boşaldılıb. Onun sözlərinə görə, bu proses davam edir və boşaldılan mallar Rusiyanın müxtəlif şəhərlərinə daşınır.

Xatırladaq ki, bir neçə gün əvvəl Azərbaycandan Rusiyaya aparılan kənd təsərrüfatı məhsullarının təyinat məntəqələrinə çatdırılmasında problem yaranıb.