“Prezident İlham Əliyev andiçmə mərasimində ölkənin böyük perspektivlərindən danışıb.
Dövlət başçısı energetika sahəsində də böyük layihələrin həyata keçiriləcəyini açıqlayıb. Əsas prioritetlərdən biri isə Azərbaycan qazının Avropa və region ölkələrinə çatdırılmasıdır”.
“APA-Economics”in məlumatına görə, bunu jurnalistlərə açıqlamasında Dövlət Neft Şirkətinin prezidenti Rövnəq Abdullayev deyib.
O, əlavə edib ki, qarşıdakı 5 ildə Azərbaycan “Şahdəniz-2” layihəsi, Cənub boru kəməri, TANAP və TAP layihələrini reallaşdırmağı hədəfə alıb.
“TAP 40 mlrd. dollar dəyərində olan dünya əhəmiyyətli layihədir. Qarşıdakı 5 ildə bu layihələri həyata keçirməyi qarşımıza məqsəd qoymuşuq. Biz bunu həyata keçirəcəyimizə ümid edirik”, - deyə R. Abdullayev bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
