(R) “Gilan” piano fabrikinin yeni satış məntəqəsi açılıb

Bakıda “Gilan” piano fabrikinin “Beltmann” markalı pianolarının Rəşid Behbudov küçəsi 26 A ünvanında yeni satış məntəqəsi açılmışdır.

Tədbiri giriş sözü ilə açan fabrikin direktoru Hans Leferink qonaqları salamladıqdan sonra Bakıdakı ilk satış məntəqəsinin bütün musiqisevərlərin üzünə açıq olduğunu bildirdi. Caz ustası Salman Qəmbərovun ifasında musiqi ziyafətinin müşayətində məşhur incəsənət xadimləri və musiqisevərlər “Beltmann” piano çeşidləri ilə tanış olaraq onları maraqlandıran sualları ünvanlamaq imkanı əldə etdilər.

Xatırladaq ki, 1901-ci ildə Yohann Beltmannın Niderland Krallığında əsasını qoyduğu "Beltmann" piano fabrikini 1983-cü ildə nəticəsi Hans Leferink Almaniyaya köçürüb və müəssisə orada 2002-ci ilədək fəaliyyət göstərib.

2008-ci ilin fevralında Qəbələdə yeni "Beltmann" piano fabrikinin qurulması planlaşdırılıb və həmin ilin oktyabrında müəssisənin inşasına başlanılıb. İstehsalata 2009-cu ilin sentyabrında üç pianonun hazırlanması ilə başlanılıb. Hazırda dünyada "Beltmann" pianoları yalnız Qəbələdəki “Gilan Piano” zavodunda istehsal olunur.

Regionda analoqu olmayan və ən son beynəlxalq standartlara cavab verən fabrikdə il ərzində 1000 ədəd piano istehsal edilir.

Məhsulların səs lövhələri şam ağacından hazırlanır və Avstriyadan gətirilir. Avstriyadan gətirilməsinin səbəbi ağacın optimal iqlim şəraitində böyüməsidir. Bu da bilavasitə səsin keyfiyyət və davamlılığına təsir göstərir.

Pianoların səs mexanizmi dünyanın ən keyfiyyətli pianoları üçün səs mexanizmi istehsal edən Almaniyanın “Renner” şirkəti tərəfindən istehsal olunur.

İstehsal olunan bütün pianolar keyfiyyət yoxlamasından keçir və onlara 10 il zəmanət verilir. Ölkədaxili çatdırılma ödənişsizdir. İstənilən rəngdə və formada piano sifariş etmək mümkündür.

İstehsal edilən bütün pianolar əl işi ilə hazırlandığından heç bir avtomatika və kompüter sistemindən istifadə olunmur. Buna görə də pianolar unikal və təbiiliyi ilə seçilir.

Piano çeşidləri ilə tanış olmaq istəyən bütün musiqisevərləri “Beltmann” pianolarının Rəşid Behbudov küçəsi 26 A ünvanındakı yeni satış məntəqəsini ziyarət etməyə dəvət edirik.