“Azərbaycan iqtisadiyyatındakı stabil artımı yaxından təqib edirəm. Bu, məmnunluq doğuran durumdur. Bu tempi sabitləşdirmək gələcək nəsillərə zəngin iqtisadi miras hazırlamaqdır”.
Bunu APA-nın Türkiyə təmsilçisi ilə söhbətində prezident Abdullah Gülün iqtisadi məsələlər üzrə baş müşaviri Durmuş Yılmaz deyib.
D. Yılmazın sözlərinə görə, stabil böyümədə qeyri-neft sektoruna doğru şaxələndirilmə prosesi də gedir: “Azərbaycan iqtisadiyyatı neftdən kənar investisiyalarla şaxələnməlidir və hazırda bu proses gedir”.
Qeyd edək ki, 2006-2011-ci illər arasında Türkiyə Mərkəzi Bankının prezidenti olmuş Durmuş Yılmaz dövlətin pul siyasətinin həyata keçirilməsində Mərkəzi Bankın muxtariyyətini qoruyub, nəticədə inflyasiya təkrəqəmli səviyyəyə enib.
Hökumət tərəfindən növbəti 5 il üçün Mərkəzi Bankın prezidenti vəzifəsinə namizəd göstərilməyən Durmuş Yılmaz prezident Abdullah Gül tərəfindən 2011-ci ilin iyununda iqtisadi məsələlər üzrə baş müşavir vəzifəsinə təyin edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
