2013-cü ilin yanvar-sentyabr ayları ərzində ARDNŞ-nin “Azəriqaz” İstehsalat Birliyi tərəfindən əhali kateqoriyasından olan abonentlərə 1 milyard 464 milyon 51 min 23 kubmetr həcmində təbii qaz satılıb. Bu barədə Lent.az-a qurumun ictimaiyyətlə əlaqələr şöbəsindən məlumat verilib. Satılan təbii qazın qarşılığında 103,96 faiz həcmində vəsait toplanıb. O cümlədən, sentyabr ayı üzrə satılmış 69 milyon 908 min 52 kubmetr təbii qazın qarşılığında toplanmış vəsaitin həcmi 121,08 faiz təşkil edib. Bu, 2012-2013-cü illərin payız-qış mövsümündə tələbatın artması ilə əlaqədar əhaliyə satılmış qaz həcmlərinin dəyərinin abonentlər tərəfindən yaz-yay mövsümündə ödənilməsi ilə əlaqədar olub. Nəticədə 2013-cü ilin sentyabr ayı ərzində debitor borc 3 faiz azalıb. 1 yanvar 2013-cü il tarixə mövcud olan debitor borc isə 9 ay ərzində 12,4 faiz azalıb.
Onu da qeyd edək ki, əhali sektoru üzrə 106 min 812 məcburi köçkün ailəsi fasiləsiz olaraq təbii qazla təmin olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
