Varlılar bu il daha da varlanıblar

Dünyanın ən zəngin insanları 2023-cü ildə sərvətlərini 1,5 trilyon dollar artırıblar.

Lent.az bildirir ki, bu barədə “Bloomberg” məlumat yayıb.

500 ən varlı milyarderdən texnoloji şirkət sahibləri sərvətlərini daha çox artırıblar. Tənəzzül qorxularına, davamlı inflyasiyaya, yüksək faiz dərəcələrinə və geosiyasi təlatümlərə baxmayaraq, onlar 658 milyard dollar daha zənginləşiblər (illiklə müqayisədə 48 faiz artım). Səbəb süni intellekt ətrafında yaranan hay-küy olub.

Bloomberg Billionaires Index amerikalı sahibkar İlon Maskı fransız maqnatı və LVMH rəhbəri Bernard Arnonu geridə qoyaraq, reytinqdə birinci yeri tutaraq ən varlı elan edib. İl ərzində o, “Tesla və “SpaceX”in uğurları sayəsində 95,4 milyard dollar qazanıb (Mask keçən il 138 milyard dollar itirmişdi). 2023-cü ildə “Amazon”un qurucusu Ceff Bezosun sərvəti 70 milyard dollar artıb, “Meta” şirkətinin rəhbəri Mark Zukerberq isə 80 milyard dollar qazanıb.