Avtomobil satışında dünya lideri AÇIQLANDI

Yaponiyanın “Toyota Motor” şirkəti 2022-ci ildə “Hino Motors” yük maşınları və “Daihatsu” kiçik avtomobilləri də daxil olmaqla, dünya miqyasında onun markalarından alınan 10,5 milyon avtomobillə ardıcıl üçüncü ildir ki, dünyanın ən yaxşı avtomobil satış lideri olub.

Lent.az bildirir ki, bu barədə “Reuters” məlumat yayıb.

Ötən illə müqayisədə şirkətin qlobal satışları 0,1 faiz azalıb. Yaponiyada “Toyota” avtomobillərinə tələbat 9,6 faiz azalaraq 1,9 milyona düşüb, lakin daxili satışlardakı azalma 8,6 milyon avtomobilin xaricə rekord satışı ilə kompensasiya edilib.

“Toyota” çip tədarükü məhdudiyyətlərinə baxmayaraq, 2022-ci ildə istehsalı beş faiz artıra bildiyini söyləyib. Onun həcmləri Asiyada güclü tələbat, eləcə də həm Asiyada, həm də ABŞ-da istehsal güclərinin artırılması və onların optimallaşdırılması ilə dəstəklənib. Bununla belə, noyabrda avtomobil istehsalçısı cari maliyyə ili üçün (martda başa çatan) istehsal proqnozunu 9,7 milyondan 9,2 milyona endirib.

Eyni zamanda, onun əsas rəqibi “Volkswagen” yanvar ayında Ukraynadakı hərbi münaqişə və Çindəki lokdaun fonunda tədarük zəncirlərinin pozulması səbəbindən 2022-ci ildə satışlarının onilliklər ərzində (8,3 milyon avtomobil) minimuma çatdığını söyləyib.