(R) “Unibank”-da əhalinin əmanətləri yeni tarixi maksimuma çatıb

Əhalinin əmanətləri Bankın fəaliyyət göstərdiyi 20 illik dövr üçün yeni tarixi maksimuma çatıb və ilk dəfə 201,2 milyon manat təşkil edib. “Unibank” tərəfindən cəlb olunan fərdi əmanətlərin həcmi son bir ildə 65,6 milyon AZN və ya 48,38% artıb.

Yalnız bu ilin əvvəlindən fərdi əmanətlər portfeli 32,18 milyon manat artım nümayiş etdirərək, bank xidmətləri bazarında oxşar orta göstəricisinin dinamikasını üstələyib. Depozit portfelinin genişlənməsi ilk növbədə əmanətçilər sayının artımı hesabına baş verir. Maraqlıdır ki, əmanətlərin artımı onlar üzrə təklif olunan faiz dərəcələrin aşağı endirilməsi zamanı da davam edir. Belə ki, ötən ilin iyul ayının 31-dən “Unibank”-a əmanətlərini etibar edən fiziki şəxslərin sayı, demək olar ki, 50% artıb. Onların Bankla bağladıqları depozit sövdələşmələrin sayı isə cari ilin yanvar-iyul aylarında ötən ilin müvafiq göstəricisindən 1,6 dəfə çox olub. Bakı və Sumqayıtla yanaşı, “Unibank”-ın yeddi regional filiallarında da (Lənkəran, Şəki, Mingəçevir, Quba, Gəncə və Şəmkirdə) fərdi əmanətçilərin sayı 70% artmışdır. Qeyd edək ki, ABŞ dollarında olan bütün növ əmanətlər üzrə (“Müddətli”, “Proqressiv”, “Yığım”, “Faizlər əvvəlcədən”) faiz dərəcələr optimallaşdırılaraq milli valyutada açılan əmanətlərlə bərabərləşdirilib. Nəticədə Bankın fərdi əmanətçilərə təklif etdiyi maksimal faiz dərəcəsi illik 12,4% təşkil etdi.

«Fərdi əmanətlər portfelinin genişlənməsi adətən etibar qazanan banklarda baş verir və “Unibank”-da bu artım sabit faiz dərəcələr şəraitində davam etdiyinə görə, biz artıq əhali arasında işimizlə fəxr edə bilərik», - deyə Bankın Satışlara dəstək və nəzarət bölməsinin Baş meneceri Müstəqim Abdullayev qeyd edir. Onun sözlərinə görə, Bank hər ay orta hesabla əmanətçilərlə 1,5 milyon manatdan çox faiz gəliri ödəyir. Eyni zamanda, M.Abdullayev hesab edir ki, əmanətlərin artımı Bankın pərakəndə kreditlərin verilməsində daimi fəallığı ilə bağlıdır. “Depozit proqramların reklamını aparmasaq da, müştərilər bizi keyfiyyətli və sabit işlə, risklərin minimuma endirilməsi ilə tanıyır”, - deyə o fikrini tamamladı.

Xatırladaq ki, 2007-ci ilin 30 iyun tarixindən “Unibank” Azərbaycan Əmanətlərin Sığortalanması Fondunun ilk üzvlərindədir. Bakı ilə bərabər ölkənin 9 şəhərində fəaliyyət göstərən 28 filial və şöbələri vasitəsi ilə Bank 223 minə yaxın özəl və korporativ müştərilərə xidmət göstərir. Onlardan 119 mindən artıq müştəri Fondun sığortalanma şərtlərinə uyğun depozit hesablarının sahibləridir.