(R) Kredit alanlar “Unibank”-dan 15 min AZN qazana biləcəklər

Üç ay davam edəcək lotereya aksiyasında Nağd kredit, “AL Kart” kredit xətti, mikrokreditlər, “ALBALI” kredit kartı və digər növ istehlak kreditləri alan müştərilər iştirak edə biləcəklər.

İlk tiraj sentyabrın 5-də keçiriləcək və avqust ayı ərzində yuxarıda qeyd olunan kreditləri alanlar arasında oynanılacaq. Hər tirajda 5 qalib müştəri müəyyən olunaraq “Unibank”-dan 5 min manat qazana biləcək. Qeyd edək ki, lotereya Bankın 30 yaxın filial və şöbələrini birləşdirən bütün xidmət şəbəkəsində keçirilir.

Uduş fondunun oynanılması xüsusi kompüter proqramı vasitəsi ilə elektron püşkatma üsulu ilə aparılacaq. Bu məqsədlə lotereya iştirakçılarına kredit cəlb etdikləri zaman xüsusi eyniləşdirmə nömrəsi veriləcək. Elektron püşkatma müştərilər və jurnalistlərin iştirakı ilə təşkil olunan xüsusi Komissiya tərəfindən Bankın Baş ofisində keçiriləcək. Hər tirajın yekunları kütləvi informasiya vasitələrində dərc olunacaq, müvafiq qalib müştərilərə uduşların ödənilməsi otuz iş günü ərzində aparılacaq. “Kredit al, hədiyyə qazan” lotereya aksiyasının şərtləri “Unibank”-ın əməkdaşlarına şamil olunmur.

Xatırladaq ki, “Unibank”-da artıq 2500 manata qədər istehlak kreditlərinin girovsuz və zəmanətsiz verilməsi mümkündür. Kreditləri istənilən istehlak ehtiyaclar üçün 24 aya qədər cəlb etmək olar. Bu zaman kreditin məbləği hər bir borcalanın gəlirindən asılı olaraq fərdi qaydada müəyyən edilir və 300 AZN-dən 7000 AZN-ə qədər təşkil edə bilər. Həmçinin qeyd edək ki, “Unibank”-da istehlak kreditlər üzrə effektiv faiz dərəcə illik 14,6%-dan başlayır.

İstehlak kreditlərin şərtləri və lotereya aksiyası haqqında daha ətraflı məlumatı (012) 117 nömrəli telefonla əldə etmək olar.