DəmirBank Səma Mebel ilə kreditlə satış proqramını genişləndirir

Kredit proqramına əsasən Səma Mebel mərkəzinin 1-ci mərtəbəsində yerləşən salonda müxtəlif növ mebeli 6 aydan 18 ayadək sərfəli kredit şərtləri ilə almaq mümkündür.

Kreditin məbləği 600-dən 6000 ABŞ dollarınadək ola bilər. Kreditlə mebel alan şəxsin 20% ilkin ödəniş etməsi zəruridir. Kredit alan şəxsin ən azı 6 ay müddətində dövlət təşkilatında və ya sabit maliyyə durumu olan özəl müəssisədə iş stajı olmalıdır. Kredit şəxsiyyət vəsiqəsi və iş yerindən arayış əsasında verilir.

Ünvan: Bakı şəhəri, Nəsimi küç. 25 (Neftçilər metro stansiyasının yaxınlığında) Səma Mebel mərkəzinin 1-ci mərtəbəsi.

“DəmirBank əhaliyə geniş çeşiddə bank məhsulları, həmçinin kreditlə mebel alışı üçün yeni imkanlar təklif edirik. Bank həm də müxtəlif şirkətlərlə kredit proqramları üzrə əməkdaşlığı genişləndirir. Biz bu proqramları daha da genişləndirməyi nəzərdə tuturuq. Bu sahədə əməkdaşlıqda maraqlı olan şirkətlər DəmirBank-a müraciət edə bilər”, - deyə, İdarə Heyəti sədrinin müavini Yusif Cabbarov bildirib.

DəmirBank müxtəlif proqramlar üzrə əhaliyə və şirkətlərə geniş çeşiddə kredit məhsulları təqdim edir. Bu sırada mikro və kiçik biznes üçün kreditlər, ipoteka krediti, avtomobil krediti, təhsil və səhiyyə işçilərinə kredit, dövlət işçilərinə və qulluqçularına kredit, mebel krediti, təmir və digər istehlak kreditləri mövcuddur.

Daha ətraflı məlumat əldə etmək üçün www.demirbank.az saytına daxil olmaq və ya Telefon Məlumat Mərkəzi – 149 nömrəsinə zəng etmək olar.