6 ay ərzində 692 qeydiyyatdan keçməyən radioelektron vasitə aşkarlanıb
05 iyul 2011 11:58 (UTC +04:00)

6 ay ərzində 692 qeydiyyatdan keçməyən radioelektron vasitə aşkarlanıb

Bu ilin 6 ayı ərzində Rabitə və İnformasiya Texnologiyaları Nazirliyinin Dövlət Radiotezliklər İdarəsi tərəfindən iş planına və quruma daxil olmuş göstəriş və müraciətlərə əsasən 377 təşkilat, müəssisə və şirkətlərdə istismar olunan radioelektron vasitələrinə (REV) texniki baxış keçirilib, müvafiq qaydada aktlar tərtib edilib.


Rabitə və İnformasiya Texnologiyaları Nazirliyinin mətbuat xidmətinin rəhbəri Müşfiq Əmirovun Lent.az-a verdiyi məlumata görə, müəssisə və təşkilatlarda keçirilən texniki baxış zamanı 692 ədəd DRİ-də qeydiyyatdan keçməyən müxtəlif növ REV-i aşkarlanıb.


Onlardan 214 ədədi möhürlənib, 3 ədədi silinib, 302 ədədi qeydiyyata salınıb, 173 ədədinin qeydiyyata salınması üçün müvafiq tədbirlər görülür.
Dövlət qeydiyyatdan keçməyən qeyri-qanuni REV istifadəçilərinə qarşı İnzibati Xətalar Məcəlləsinin pozulması barədə 55 protokol yazılıb, müvafiq hüquqi tədbirlərin görülməsi üçün aidiyyəti rayon məhkəmələrinə müraciətlər edilib.
# 513

Oxşar yazılar