ARDNŞ-in İnsan Resursları Departamenti fəaliyyətə başladı

ARDNŞ-də kadrların seçilməsi, işə qəbul olunması, səmərəli yerləşdirilməsi və yerdəyişməsi, karyera yüksəlişinin planlaşdırılması, peşəkarlıq səviyyəsinin artırılması, xidməti fəaliyyətin qiymətləndirilməsi, işçilərin təklif və rəylərinə baxılması və digər müvafiq işlərin təkmilləşdirilməsi məqsədi ilə şirkətin baş ofisində yaradılmış “İnsan resursları departamenti” artıq fəaliyyətə başlayıb.
Lent.az-ın ARDNŞ-in rəsmi saytına istinadən verdiyi məlumata görə, departamentdə Uçot və işçilərlə əlaqələr, İşə qəbul və yerləşdirmə və Təlim və inkişafı şöbələri fəaliyyət göstərir. Müvafiq struktura malik olan yeni departamentin yaradılması şirkətin idarə və müəssisələrində bu sahədə fəaliyyətin optimal tənzimlənməsinə yönələn ümumi norma, tələb və qaydaları müəyyən edən standart sənədlərin işlənməsində, qəbul edilməsində və tətbiq olunmasında operativliyi təmin edəcək, ümumiyyətlə, insan resursları üzrə fəaliyyətin təkmilləşdirilməsinə xidmət göstərəcək. Departament Nizami rayonu 8-ci km. yaşayış sahəsi Şirin Mirzəyev küçəsi, 32A ünvanında yerləşir.