“Eurovision 2012” müsabiqəsinə 10 bilet hədiyyə olunur

“Unibank”ın sponsorluğu ilə məşhur “Pomidor-Yumurta" verilişin radiodinləyiciləri arasında təşkil olunan müsabiqədə Avropanın ən mötəbər musiqi forumuna 10 biletin sahibi təyin olunur. Artıq bu həftə ərzində 4 biletin sahibi müəyyənləşdi. DJ Fatehin aparacı olduğu bu şouda gələn həftə ərzində sualları doğru və tez cavablandıranlar arasında daha 6 mükafatçı məlum olacaq.

Bütün qaliblər Azərbaycan paytaxtında ilk dəfə 2012-ci ilin may ayında keçiriləcək “Eurovision” yarışmanı DJ Fatehlə birlikdə izləyəcəklər. “Əslində bizim üçün də bu bir sürpriz oldu”, - deyə DJ Fateh bildirdi. Aparıcının sözlərinə görə, 15 may günü axşam saat 18:00 radələrində “Unibank”dan belə bir təşəbbüs irəli sürüldü. Radiokanalın rəhbərliyi bu ideyanı müsbət qarşıladı və nəticədə artıq 16 may efirində ilk qalibə xüsusi sertifikat təqdim olundu. “Gələn il aprel ayında qaliblər “Unibank”ın baş ofisinə yaxınlaşaraq, həmin sertifikatları biletlərlə əvəz edə biləcəklər”, - deyə, o bildirdi.

Qeyd edək ki, “Unibank” cari ilin fevral ayından “Media FM”-də səhər saatlarında efirə çıxan populyar “Pomidor-Yumurta” verilişinin rəsmi sponsorudur.