“Azərenerji”nin prezidenti vəd verdi
10 noyabr 2009 12:31 (UTC +04:00)

“Azərenerji”nin prezidenti vəd verdi

“Qışda elektrik enerjisi ilə bağlı heç bir problem olmayacaq”


Qışa hazırlıqla bağlı işlər planda nəzərdə tutulduğu kimi davam edir, qışda elektrik enerjisi ilə bağlı heç bir problem olmayacaq.


Lent.az-ın müxbirinin verdiyi məlumata görə, bu barədə jurnalistlərə “Azərenerji” ASC-nin prezidenti Etibar Pirverdiyev bildirib.

Etibar Pirverdiyev Gürcüstan-Türkiyə enerji körpüsü ilə bağlı da danışıb. USAİD-in maliyyə dəstəyi verdiyi bu layihə ilə bağlı Gürcüstan hökuməti artıq tender elan edib. “Azərenerji” ASC-nin prezidenti bu ilin sonuna qədər tenderin yekunlaşacağını söyləyib. Etibar Pirverdiyev Sumqayıt İstilik Elektrik Stansiyasının bu ilin sonuna qədər istifadəyə veriləcəyini də nəzərə çatdırıb.

“Azərenerji” ASC-nin prezidenti Dövlət Bayrağı Meydanı ilə bağlı sualları da cavablandırıb: “Dövlət Bayrağı Meydanı ilə biz məşğul deyilik. Yalnız texniki yardım göstəririk, orada heç bir problem yoxdur”.
Etibar Pirverdiyev Dövlət Bayrağı Meydanının nə vaxt istifadəyə veriləcəyini də bilmir.


Pərvin Abbasov
# 802

Oxşar yazılar