Sumqayıtda 1100 tullantı qəbulu məntəqəsi yaradılıb
05 noyabr 2009 19:30 (UTC +04:00)

Sumqayıtda 1100 tullantı qəbulu məntəqəsi yaradılıb

Bu ilin ötən dövrü ərzində Sumqayıt şəhəri və ətraf qəsəbələrdə məişət tullantılarının həcminin artması ilə əlaqədar 22 ədəd xüsusi təyinatlı avtomaşınlara iş növbəli iş rejimi tətbiq edilib. Sumqayıt Şəhər Təmizlik Departamenti tərəfindən aparılan bu tədbirlər çərçivəsində işçi qüvvəsi də gücləndirilib.

Sumqayıt Şəhər Təmizlik Departamentindən Lent.az-a bildirib ki, hazırda şəhərdə məişət tullantılarının toplanması üçün 1100 ədəd tullantı qəbulu məntəqəsi var. Həmin məntəqələrdə 5000 ədəd konteyner düzülüb. Sıradan çıxmış 1500 ədəd konteyner isə tam təmir edilərək istifadəyə yararlı hala gətirilib. Ərazilərdən toplanıb daşınan məişət tullantıları isə şəhər poliqonunda zərərsizləşdirilib.

Departamentdə bildirirlər ki, ilin əvvəlindən indiyədək Sumqayıt şəhərində məişət tullantılarının daşınması üzrə 2780 müqavilə imzalanıb. Onların 1710-u fiziki şəxslər, 1080-i isə hüquqi şəxslər təşkil edir. Müqavilələrin bağlanması ötən ilin müvafiq dövrü ilə müqayisədə 30 faiz artıb.

Elxan SALAHOV
# 602

Oxşar yazılar