Ekoloji qanunvericiliyi pozanlardan 6700 manat cərimə tutulub
01 iyul 2009 12:15 (UTC +04:00)

Ekoloji qanunvericiliyi pozanlardan 6700 manat cərimə tutulub

Qərb bölgəsində ekoloji qanunvericiliyin tələblərin qorunması üzrə 5 aylıq yoxlamaların nəticələri açıqlanıb

Ekologiya və Təbii Sərvətlər Nazirliyi 2 saylı Ərazi Ekologiya və Təbii Sərvətlər şöbəsi Qazax, Şəmkir, Gədəbəy, Tovuz və Ağstafada “Ətraf Mühitin Mühafizəsi Haqqında” ekoloji qanunvericiliyin tələblərinə pozulmasına görə 21 akt və protokol tərtib edib. Bu qərarlar 2009-cu ilin 5 ayı ərzində keçirilmiş reyd və yoxlamaların nəticəsi olaraq verilib.

Nazirliyin mətbuat xidmətindən Lent.az-a bildiriblər ki, qanun pozuntusuna yol verdiklərinə görə hüquqi və fiziki şəxslərə qarşı ümumilikdə 8 iş üzrə 6700 manat məbləğində cərimə tətbiq edilib. Ətraf mühitə dəymiş ziyanla bağlı 6 iş üzrə 5412,2 manat məbləğində iddia qaldırılıb. İdarə və müəssisələrə 72 iş üzrə 5032 manat məbləğində ödəmə verilib.

Elxan SALAHOV
# 467

Oxşar yazılar