Türklərin ən çox sərmayə yatırdığı ikinci ölkə Azərbaycandır
27 iyul 2010 01:00 (UTC +04:00)

Türklərin ən çox sərmayə yatırdığı ikinci ölkə Azərbaycandır

Son illərdə Türkiyə vətəndaşı olan iş adamlarının xarici ölkələrə sərmayə yatırımının məbləği artıb. Lent.az-ın “haberciniz.biz”ə istinadən verdiyi məlumata görə, Xəzinə Katibliyindən bildirilib ki, hazırda 3 271 türk firmasının xarici ölkələrdəki yatırımlarının məbləği 17 milyard 310 milyon dollardır.

Türk iş adamlarının ən çox sərmayə yatırdıqları sahələr isə enerji sektoru və bank sahəsidir.

Son məlumata görə, türk firmalarının ən çox sərmayə yatırdığı ölkə Hollandiyadır: 4,8 milyard dollar. Sırada ikinci gələn Azərbaycandır: 3,8 milyard dollar. Növbəti yerləri Malta (1,4 milyard dollar), Almaniya (726 milyon dollar) tutur.

Türk pullarının yatırıldığı ölkələr arasında Avropa ölkələri, Rusiya, ABŞ, Çinlə yanaşı, Əfqanıstan, Anqola, Efiopiya, Qana, Kolumbiya kimi ölkələr də var.
Türkiyəyə yatırılan xarici sərmayələrin həcmi isə 80 milyard dolları keçib.
# 439

Oxşar yazılar