DəmirBank Şimşək ölkədaxili pul köçürmələrinin imkanlarını genişləndirdi

DəmirBank Azərbaycan daxilində 7 dəqiqə ərzində pul köçürmələri həyata keçirməyə imkan verən Şimşək köçürmə xidmətlərinin şərtlərində bir sıra dəyişikliklər edib.

Dəyişikliklərə əsasən Şimşək sistemi üzrə məbləğlər və tariflər aşağıdakı cədvələ əsasən müəyyən edilib:

Köçürmənin məbləği	AZN	USD / EUR
10 – 50 AZN / USD / EUR	0,5 AZN	1 USD / EUR
50,01 – 100 AZN / USD / EUR	1 AZN	1 USD / EUR
100,01 – 150 AZN / USD / EUR	1,5 AZN	2 USD / EUR
150,01 – 200 AZN / USD / EUR	2 AZN	2 USD / EUR
200,01 – 2000 AZN / USD / EUR	0,5%	0,5%
2000,01 – 20 000 AZN / USD / EUR	0,3%	0,3%

DəmirBank-ın Şimşək sistemi vasitəsi ilə əlverişli şərtlər ilə 3 valyutada – AZN, USD, EUR – ölkədaxili pul köçürmələri həyata keçirmək mümkündür. Köçürməni 7 dəqiqə sonra müvafiq filialda almaq olar.

“Şimşək sistemi paytaxtda və ölkənin müxtəlif bölgələrində işləyən və ya təhsil alan şəxslər üçün pul vəsaitini göndərmək / almaq üçün rahat imkanlar yaradır. Nəticədə Şimşək sistemi ilə köçürmələr əhali arasında geniş müştəri rəğbəti qazanıb. Dəyişikliklər əhalinin Şimşək sistemindən istifadə imkanlarının daha da genişləndirilməsinə yönəlib” – deyə İdarə Heyətinin Sədrinin müavini Yusif Cabbarov qeyd edib.

DəmirBank 200-dək ölkə üzrə beynəlxalq pul köçürmə xidmətləri də təklif edir. Bank Western Union, Bıstraya Poçta, Migom, Contact, Zolotaya Korona və Coinstar sistemləri ilə beynəlxalq pul köçürmələri həyata keçirir. Pul köçürmələrinin inkişaf proqramına əsasən Bank yaxın gələcəkdə yeni köçürmə sistemlərinə qoşulmaq və digər yeniliklər etmək nəzərdə tutub.

Ölkənin ilk banklarından olan DəmirBank (əvvəlki adı Azərdəmiryolbank) 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.