Sənaye və  Energetika Nazirliyinin səlahiyyəti artırıldı
02 noyabr 2012 18:48 (UTC +04:00)

Sənaye və Energetika Nazirliyinin səlahiyyəti artırıldı

Nazirlər Kabineti “Azərbaycan Respublikasında dövlət enerji nəzarəti (elektrik və istilik üzrə) haqqında Əsasnamə”nin təsdiq edilməsi, Azərbaycan Respublikasının Sənaye və Energetika Nazirliyinin “Dövlət Enerji nəzarət” İdarəsinin işçilərinin say tərkibinin və vəzifə maaşlarının müəyyənləşdirilməsi haqqında” 2002-ci il 29 iyul tarixli 117 nömrəli qərarında dəyişiklik edib.

Lent.az-ın Nazirlər Kabinetinin rəsmi saytına istinadən verdiyi məlumata görə, dəyişiklik “Azərbaycan Respublikası Prezidentinin 2006-cı il 13 fevral tarixli 363 nömrəli fərmanı ilə təsdiq edilmiş “Mərkəzi icra hakimiyyəti orqanlarının Nümunəvi Əsasnaməsi”ndə dəyişikliklər edilməsi haqqında” Azərbaycan Respublikası Prezidentinin 2012-ci il 14 mart tarixli 597 nömrəli fərmanının icrasını təmin etmək məqsədi ilə edilib və Azərbaycan Respublikasında dövlət enerjinəzarəti (elektrik və istilik üzrə) haqqında Əsasnamə ləğv olunub.

Qeyd edək ki, Azərbaycan Respublikası Prezidentinin 2006-cı il 13 fevral tarixli 363 nömrəli fərmanı ilə mərkəzi icra hakimiyyəti orqanlarına orqanın aparatının struktur bölmələrinin, tabeliyində olan qurumların (əsasnamələri Azərbaycan Respublikasının Prezidenti tərəfindən təsdiq edilən qurumları istisna olmaqla) və elmi-texniki şurasının əsasnamələrinin təsdiqi və orqanın kollegiyasının səlahiyyətlərinə aid edilməmiş məsələlər barədə normativ hüquqi aktları qərarlar formasında qəbul etmək səlahiyyəti verilib. Buna əsasən də Nazirlər Kabinetinin təsdiqlədiyi Azərbaycan Respublikasında dövlət enerjinəzarəti (elektrik və istilik üzrə) haqqında Əsasnamə ləğv olunub. Bu kimi məsələlərlə bağlı səlahiyyət artıq Sənaye və Energetika Nazirliyinə məxsusdur.
# 1717

Oxşar yazılar